EHZ irabazi asmorik gabeko erakundea da. Bere elkarte izaeragatik, aberaste perspektiba batean lan egiten duten enpresa pribatu eta hierarkizatuetatik desberdintzen da.

Gurutzatzeko ohiturarik ez duten jende batzuk elkarrekin bizitzera, lan egitera, trukatzera eta besta egitera bultzatuko dituen egitura da EHZ. Aurreiritziak hausteko eta harreman sareak eraikitzeko bidea da. Laguntzailegoaren eta publikoaren dibertsitatea, EHZren aberastasun handia da.

EHZ instituzio publiko, pribatu, alderdi, sindikatu edo elkarte guziekiko independentea da.

EHZ bere posizioak modu originalean hedatzen dituen aktore engaiatu bat da. Lantzen dituen gaien zeharkakotasuna (transbertsalitatea) dela eta, ez du existitzen den egitura bat ordezkatzeko xedea. Bestalde, bere posizioez hurbil diren egituren bozgorailua izan nahi du ere.

EHZ proiektua, proiektu kolektiboa eta hiritarra da. Populazioan errotua den proiektu zilegi bat da.

Besta sortzaile

Antolatzaile eta parte hartzaile gehienak gazteak dira. Belaunaldi artekotasun handiak elkartea ezaugarritzen baldin badu ere, gazte izaera hori indar bat da.

EHZ elkartearen komunikazio hizkuntza euskara da. Euskara erabiliz, bere normalizazioaren alde lan egin nahi du.

EHZk bere euskal nortasuna asumitzen du eta euskal lurraldearen ezagupen instituzionalaren alde posizionatzen da.

EHZ mundu mailari begira den egitura da. Euskal Herriak bizi dituen egoera guzien aitzinean, EHZ mundu mailako paraleloak eraikitzen saiatzen da. Ipar/Hego desorekarekiko ikuspuntu kritikoa du eta bere posizioetatik hurbil diren borrokekin elkartasun osoa du.

EHZ genero berdintasunaren alde posizionatzen den elkartea da.

Ekologista

EHZk, homosexualitatea, bisexualitatea eta transexualitatea diren sexualitate modu guziak errespetatzen ditu.

Faxismoa, arrazakeria, xenofobia gaitzesten ditu EHZk.

EHZ oinarrizko eskubide hauen alde agertuz, ilegalizazio, arrestatze eta debekuen kontra agertzen da.

EHZ berdintasunean eta justizia sozialean oinarritzen den jendarte baten alde borrokatzen da.